Taksimi i 3-fishtë në Rrugën e Kombit, grekët tallen me qeverinë shqiptare

Që nga dita e dielë, 25 mars, shqiptarët do paguajnë taksë për kalimin në rrugën e kombit, çmimi varion nga 5 euro për veturat dhe 22.5 euro...

Që nga dita e dielë, 25 mars, shqiptarët do paguajnë taksë për kalimin në rrugën e kombit, çmimi varion nga 5 euro për veturat dhe 22.5 euro për kamionët.

Rruga e Kombit është inauguruar në vitin 2009 nga qeveria e Berishës, u promovua me një pompozitet të jashtëzakonshëm edhe për shkak të emrit që mbarte njëfarë konotacioni përbashkues mes shqiptarëve të Kosovës dhe shqiptarëve të Shqipërisë.

Mirëpo, Rruga e Kombit mëton të jetë si “malli kinez” i mirë në reklamim, por me probleme të mëdha që në nisje, pasi kompanitë e kontraktuara për hapjen, shtrimin dhe gjithë strukturën ndërtuese të rrugës nuk e kanë përfunduar kurrë detyrën e tyre dhe ky aks rrugor vetëm ka thithur para nga buxheti i shtetit.

As tani që shqiptarët do paguajnë taksë për kalimin në këtë rrugë ajo nuk është e përfunduar dhe pikërisht për këtë fakt, një prej portaleve greke është tallur me shtetin tonë.

Portali grek shkruan:

Shakaja e parë: Shqipëria hyn në sezonin e pagesave.
Shakaja e dytë: Rruga e parë me pagesë në Shqipëri është një fakt!
As më pak e as më shumë se Rruga e Kombit, çdo makinë private duhet të paguajë shumën prej 5 € për të kaluar në hyrje të tunelit të Kalimashit, gjithsej 10 euro!!!!
Dhe e gjithë kjo në një autostradë që është ende e paplotë, ku deri më tani 30 persona kanë vdekur në aksidente automobilistike përgjatë kësaj autostrade.
Gjithashtu, ka ende seksione ku mungojnë katër korsi.”

Rri shtrembër, por fol drejt i thonë kësaj....

Në këtë mes fajtor pas Berishës që edhe pse mori meritat e la këtë rrugë në “mes të katër rrugëve”, përgjegjësia i kalon Edi Ramës tashmë që prej vitit 2013.

Gjëja më e rëndë nuk është taksa e vendosur këtë të dielë, por që bashkë me këtë taksë bëhen tre të tilla. E kuptuat mirë: Shqiptarët paguajnë 3 herë taksën e qarkullimit, një taksë për qarkullimin u mbahet sa herë furnizoheni nëpër pikat e karburanteve dhe taksa e dytë po për qarkullimin paguhet në taksat vjetore që çdo drejtues mjeti shlyen në të ashtuquajturin “kolaudim”.

3 herë taksa për Rrugën e Kombit veçanërisht, sepse taksa e qarkullimit përfshin edhe rrugët tjera në territorin shqiptar, a nuk quhet kjo një vjedhje e hapur nga shteti?! Të paktën sikur të ulej çmimi i naftës...