Rama me zërin që i dridhet për protestën: Me vandalët do të sillemi siç e do ligji!

Kryeministri Edi Rama ka dalë në një konferencë për shtyp, për të folur në lidhje me protestën e mbajtur në Rrugën e Kombit paraditen e sotm...

Kryeministri Edi Rama ka dalë në një konferencë për shtyp, për të folur në lidhje me protestën e mbajtur në Rrugën e Kombit paraditen e sotme kundër tarifës të vendosur nga qeveria.

Ai është shprehur se të gjithë ata që kanë ngritur dorë kundër policisë do të marrin ndëshkimin e merituar.

Rama shtoi se krimet që janë kryer do të ndëshkohen dhe autorët që vunë zjarrin dhe goditën policinë do të vihen para drejtësisë, pasi askush nuk mund t’i shpëtojë ligjit.

Përsa i përket opozitës, ai ka deklaruar se nxit krimet dhe tallet me pakicën.

Ai i ka quajtur vandalë, shkelësit e ligjit dhe ka deklaruar se do të sillet me ta në mënyrën e merituar.

Rama është shprehur se:

Dhuna në protestë ishte një krim i rëndë, i cili ju siguroj që do ndëshkohet. Kush e vuri atë zjarr, kush guxoi të vinte dorë mbi forcat e policisë nuk do të këtë asnjë shans t’i shpëtojë ligjit.
Opozitës shqiptare i them kaq, as populli i vet shqipes, as populli i Kukësit nuk ka asnjë lidhje me vandalizmin dhe dëshpërimin.
Përgjigjen do e marrin në zgjedhjet e ardhshme.
Këtë të vërtetë lidhur me ta, e di mirë shumica e shqiptarëve te vetëdijshëm.
Shqipëria që duhet bëhet me reforma, durim dhe sakrifica jo të vogla.
Për mua vandalët që dhanë një shfaqjeje të neveritshme, nuk janë Kukësi, nuk janë Tropoja, nuk janë Shqipëria.
Me vandalët do sillemi siç e do ligji, ndërsa me qytetarët do sillemi siç e do vizioni.
Do i dëgjojmë dhe do u shpjegojmë kontratën.Rruga e Kombit u ka kushtuar shumë shqiptarëve dhe sot rrezikon të hyjë në rrënim nëse nuk kontribuojmë. Mirëmbajtja do të kryhet për 20 vjet me radhë, nga kompania e zgjedhur për këtë punë, pas një konkursi të gjerë në vitin 2010. Askush nuk do të na parandalojë të mbrojmë Rrugën e Kombit.
Nëse nuk kam bërë dot më shumë për t’u shpjeguar më mirë qytetarëve të asaj zone, ju them se çdokush prej tyre do përfitojë nga një sistem pagesash të reduktuara. Nëse u kam trazuar shpirtin banorëve të asaj zone, atëherë u lutem të pranojnë ndjesën time. Nuk ka as tradhti, as indiferencë, as harresë ndaj ëndrrave dhe halleve të tyre.