Shqiptarëve "u vidhet" identiteti nga bashkëqytetarët, publikohen shifrat shqetësuese

Rastet e shqiptarëve që nuk kanë mundësi për të udhëtuar në hapësirën "Schengen", për shkak të dënimeve të mëparshme penale apo sh...

Rastet e shqiptarëve që nuk kanë mundësi për të udhëtuar në hapësirën "Schengen", për shkak të dënimeve të mëparshme penale apo shkeljes së rregullave të qëndrimit, nuk janë të pakta.

Por sipas BIRN, shumë prej tyre tentojnë të kalojnë kufirin duke falsifikuar dokumentet e identifikimit, dhe duke marrë identitetin e bashkëqytetarëve.

Raste të tilla janë raportuar që prej 2011, kur një 35-vjeçar nga Kosova u kap me identitetin e një qytetari shqiptar, i cili ishte larguar për në Amerikë kohë më parë.

Por, sipas punonjësve të zyrave të gjendjes civile, policisë dhe koncesionarit të prodhimit të pasaportave biometrike, falsifikimi i gjeneraliteteve bëhet me ndihmën dhe neglizhencën e hallkave të përfshira në nxjerrjen e këtyre pasaportave.

Kështu gjatë tre viteve të fundit, rezulton se “vjedhja” e gjeneraliteteve të personave të tjerë në Shqipëri është një fenomen gjerësisht i përhapur.

Sipas të dhënave që Prokuroria e Përgjithshme i dha BIRN pas një kërkese për të drejtën e informimit, gjatë viteve 2014, 2015 dhe 2016, në rang vendi janë regjistruar 609 procedime penale për veprën penale të sipërcituar.

Nga të dhënat rezulton se në vitin 2014 janë regjistruar në total 186 procedime, me trend rritje për vitin 2015 ku janë zbuluar 217 raste dhe për vitin 2016 gjithsej 206 raste.

 Nga 609 procedimet e tre viteve të fundit, një pjesë e mirë e tyre, 253 janë regjistruar në Prokurorinë e Rrethit Gjyqësor Tiranë.



Për të shmangur hapsirat ligjore që mundësonin falsifikimin e gjeneraliteteve lehtësisht, Ministria e Brendshme nxori në nëntor 2011 ‘urdhërin Nr.394/4, “ që detyron kryerjen e verifikimeve më të plota në lidhje me identitetin e aplikantit nga policia si edhe procedurën e pajisjes me pasaportë e kartë identiteti vetëm në zyrën e gjendjes civile ku është i regjistruar.

Por pavarësisht ndryshimit të procedurave të aplikimit për t’u pajisur me pasaportë, ky fenomen rezulton të ketë vazhduar edhe pas nëntorit të vitit 2011.

 Nga vendimet gjyqësore, rezulton se pas këtij urdhri, ka pasur raste kur kanë qenë vetë personat përgjegjës për verifikimin e identitetit të aplikuesve që i kanë ndihmuar të marrin gjeneralitetet e qytetarëve të tjerë..



Sipas këtij burimi, personat që falsifikojnë idenitetin e tyre, të ndihmuar edhe nga persona të tjerë, preferojnë gjeneralitetet e individëve që nuk ka gjasa të aplikojnë për pasaportë, si ata që jetojnë prej vitesh e dekadash jashtë shtetit, barinj, endacakë, apo edhe të atyre që kanë ndërruar jetë. 

Të dhënat nga vendimet gjyqësore, tregojnë se në disa raste falsifikimet ndodhin dhe brenda familjes.

Të pyetur mbi rrezikun që përbën vjedhja e identitetit për qytetarët, punonjës të policisë, të zyrës së Gjendjes Civile në Fier dhe pranë një prej zyrave të kompanisë “Aleat” në këtë qytet, në kushtet e anonimatit theksuan se, nëse në të gjitha hallkat do të zbatohet legjislacioni përkatës, atëherë është e pamundur që dikush të falsifikojë gjeneralitetet.

Një prej punonjësve të kësaj zyre në Fier tha:


Qytetari fillimisht paraqitej në zyrën e gjendjes civile për të marë çertifikatën. 

Ndërsa tani ka ndryshuar procedura, e printon vetë komisariati certifikatën, inspektori i zonës bënë verifikimin fizik të personit dhe prej andej vjen një formular me foto dhe me vulën tek foto nga policia, e firmosur nga inspektori i zonës dhe shefi i komisariatit.Përderisa verifikohet personi fizikisht, nuk ka mundësi për falsifikim identiteti.

 Zyra e gjendjes civile përgjigjet për gjeneralitet në regjistrin kombëtar. Është e pamundur që kur të bëhet aplikimi të kryhet falsifikimi i gjeneraliteteve pasi aty është edhe punonjësi i Aleat, edhe ai i gjendjes civile."