Hidhet shorti i Ligës së Kombeve, Shqipëria mëson kundërshtarët

Është mbajtur në Lozanë të Zvicrës shorti i Ligës së Kombeve, ku kombëtarja shqiptare ka mësuar emrat e kundërshtarëve të saj gjatë rrugëtim...

Është mbajtur në Lozanë të Zvicrës shorti i Ligës së Kombeve, ku kombëtarja shqiptare ka mësuar emrat e kundërshtarëve të saj gjatë rrugëtimit për arritjet në Europian.

Kuqezinjtë e Panuçit, të cilët ishin në Vazon 2 të Ligës C, do kenë përballë:

Skocinë

dhe

Israelin

Por çfarë është Liga e Kampionëve?

Ky kompeticion është një rrugë e dytë për arritjen e Europianit, krahas kualifikueseve tradicionale të vendeve europiane. 

Bëhet fjalë për katër bileta që ofron Liga e Kombeve për skuadrat europiane. Ky kompeticion zëvendëson më së shumti miqësoret dhe u lejon skuadrave kombëtare që të përballen me skuadra të të njëjtit nivel në bazë të renditjes së përgjithshme

Fituesja e secilës Ligë (4 të mundshme) kualifikohet në Europian. 

Nëse ndonjë nga skuadrat e ka siguruar kualifikimin nga eliminatoret tradicionale, atëherë shkon skuadra e radhës nga faza “PlayOff”.

Si funksionojnë Ligat?

Skuadrat luajnë me njëra-tjetrën, brenda dhe jashtë, me katër fituesit e grupit të Ligës A që kualifikohen në Finalet e Ligës së Kombeve në qershor 2019, të cilat diskutojnë gjysmëfinalet, ndeshjen e vendit të tretë dhe finalen.

Fitueset e grupit në Ligën B, C dhe D kualifikohen një Ligë më lart për edicionin e radhës, ndërsa ato që renditet në fund të grupeve, në Ligat A, B dhe C do të rrëzohen. Sezoni i ardhshëm është 2020/21.

Liga me kualifikueset e “EURO 2020”?

Nga kualifikueset tradicionale, në dhjetë grupe do të ketë 20 skuadra finaliste në “Euro 2020”. Nëse më parë kishte skuadra që luanin në fazën “Play-Off” për katër vende, tashmë këto vende i janë dhënë Ligës së Kombeve. Në secilën prej ligave (4) do të formohen grupet.

Fituesja e secilit grup luan “Final 4” (faza gjysmëfinale dhe ekipi që triumfon në secilën Ligë siguron kualifikimin në Europian. 

Nëse kjo skuadër e ka siguruar kualifikimin nga eliminatoret tradicionale (është renditur në dy vendet e para të kualifikueseve), atëherë biletën për në Europian e merr vendi me renditjen më të lartë në UEFA nga kjo Ligë.

Sa ndeshje do luhen?

Pas shortittë sotëm, UEFA do të saktësojë të 138 përballjet e Ligës së Kombeve, me datat, oraret dhe stadiumet ku do të luhen. Për Ligat A dhe B, të cilat do të kenë grupe me tri skuadra, pra, vetëm katër ndeshje secila, atëherë në datat e tjera do të kenë mundësinë që të bëjnë ndeshje miqësore.