I preu fytin të shoqes se dyshonte se s'ishte e virgjër, dalin detaje të frikshme nga ngjarja tronditëse

Arben Rexha është shqiptari i cili vrau janarin e shkuar bashkëshorten e tij 25-vjeçare Elidona Demirajn pasi mendonte se ajo nuk ishte e vi...

Arben Rexha është shqiptari i cili vrau janarin e shkuar bashkëshorten e tij 25-vjeçare Elidona Demirajn pasi mendonte se ajo nuk ishte e virgjër kur u njohën.
Gjyqi ndaj tij vazhdon prej muajsh në Gjykatën e Old Baileyt të Britanisë së Madhe.

Tablodi britanik “Metro” shkruan se 32-vjeçarit i ishte fiksuar se ajo kishte qenë ë lidhur më parë dhe kishte abortuar një fëmijë nga një lidhje e mëparshme.

Ngjarja e rëndë ndodhi në Graham Street, Islington në shtëpinë e çiftit.

Ai pranoi në shtator të këtij viti se i preu fytin duke ia shkëputur kokën tërësisht nga trupi, me këtë motivacion.

Prokurori Richard Christie ka deklaruar në lidhje më çështjen se:

Ata ishin martuar me mblesëri. Ajo kishte 3 muaj që kishte shkuar atje dhe jetonte me Rexhën. E reja punonte në një qendër burimesh njerëzore.
Para se të ndodhte vrasja ajo kishte qëndruar me disa miq në Luton pasi kishte patur një zënkë me bashkëshortin e saj, por më pas ai kishte shkuar për ta takuar dhe ishin pajtuar. Rexha besonte se e reja po dilte me dikë tjetër dhe ishte bërë xheloz. Ai u fiksua kaq shumë pas virgjërisë së saj, sa u fut në internet për të gjetur informacion sesi mund të dallosh nëse dikush është i virgjër.

25-vjeçarja u gjet e vdekur më 31 janar të 2016-ës në shtratin martesor të çiftit me disa plagë në krahë e qafë.

Shqiptari u kishte thënë policisë se kishte qenë i fiksuar pas lidhjeve të mëparshme që mund të kishte patur bashkëshortja e tij dhe kishte dyshime mos e kishin përdhunuar.