Si ta kuptosh që ke të bësh me një psikopat

Sipas psikologëve, 1- 4 % e popullsisë ka prirje psikopatike, e cila transmetohet përmes sjelljeve të ndryshme. Ne do t’ju tregojmë disa she...

Sipas psikologëve, 1- 4 % e popullsisë ka prirje psikopatike, e cila transmetohet përmes sjelljeve të ndryshme.

Ne do t’ju tregojmë disa shenja që përgjithësisht kanë tendencën të shfaqen te këta persona.
1. Nuk kanë ndjeshmëri
Psikopatët e kanë të pamundur t’i perceptojnë reagimet emocionale. Ju duhet kohë ta kuptojnë që dikush është i mërzitur dhe në këtë moment vendosin në veprim sjellje të mësuara. Ata e dinë se në të tilla raste personi në fjalë ka nevojë për një përqafim, por e gjitha kjo vjen shumë artificialisht nga ana e tyre.

Një vrasëse seriale iu dha të shikonte foto njerëzish të frikësuar dhe përgjigjja e saj ishte:

“Nuk e di se ç’nënkupton kjo mimikë, di vetëm se kjo është fytyra që njerëzit bëjnë sa herë më shohin.”

Ndaj herën tjetër, nëse keni dyshime për dikë, shikoni si reagon ndaj problemeve të të tjerëve.
2. Flenë pak
Studime të shumta tregojnë se psikopatët flenë më pak se pjesa tjetër, saktësisht 4- 6 orë. Kjo për faktin se janë gjatë gjithë kohës entuziastë, ndaj është e vështirë për ta të qetësohen dhe t’i zërë gjumi. Ndryshimi nga njerëzit e tjerë është se pavarësisht kësaj, ata nuk ndihen kurrë të lodhur.
3. Dëshirojnë t’i bëjnë të tjerët të ndihen fajtorë
Psikopatët nuk e pranojnë kurrë që është faji i tyre, madje e rrotullojnë totalisht situatën në favorin e tyre, që faji t’u mbetet të tjerëve. Për shembull, ata mund t’ju thonë se jeni shumë xheloze, ndonëse kanë flirtuar fare hapur me partnerin tuaj. Ose mund t’ju shtyjnë të thyeni rregullat e më pas t’ju kritikojnë. Ata ju provokojnë për të nxjerrë anën më të keqe tuajën, thjesht dhe vetëm për t’u argëtuar.
4. Janë karizmatikë dhe ju pëlqen qendra e vëmendjes
Psikopatët veprojnë si aktorë të vërtetë duke u maskuar si njerëz shoqërorë, të dhembshur, për të fituar besimin tuaj. Sillen sikur kanë gjatë gjithë kohës shumë të përbashkëta me ju, ju bëjnë komplimenta dhe tregojnë interes më shumë seç duhet për jetën tuaj personale. Por faktikisht, ata po mundohen si e si që ju t’i pëlqeni, për ta patur kështu më të lehtë për t’ju manipuluar.
5. Gënjejnë gjatë gjithë kohës
Përherë kanë një justifikim për çdo situatë, duke fajësuar mundësisht gjithkënd . Psikopatët njihen gjithashtu rreth të ndjerit krenarë sa herë ia dalin të gënjejnë suksesshëm, pa e vrarë shumë mendjen nëse dikush do ta kuptojë. Kjo sepse do të bëjnë gati gënjeshtrën e radhës për të shpjeguar situatën e mëparshme.
6. Janë të papaërgjegjshëm
Për ta nuk ka asgjë të gabuar në sjelljen e tyre duke u justifikuar se në fakt ishin rrethanat ato që i shtynë drejt veprimit të bërë. Ata thonë se nuk kishte mbetur më gjë tjetër për t’u bërë dhe se kjo ishte zgjidhja e vetme.